დონალდ ტრამპის ინაუგურაციიდან ერთი წლისთავზე შეერთებული შტატების ფედერალურმა მთავრობამ მუშაობა ნაწილობრივ შეაჩერა. ეს წუხელ მოხდა.
მიზეზი დაფინანსების შეწყვეტა გახდა. შესაბამისი კანონპროექტის მიღების საშუალება სენატში რესპუბლიკელებს დემოკრატებმა არ მისცეს. მათ ბიუჯეტის მხარდაჭერაზე უარი ე.წ. საემიგრაციო კანონპროექტთან დაკავშირებული უთანხმოების გამო თქვეს. კერძოდ, დემოკრატებმა ასე უპასუხეს უარს შეეტანათ კანონპროექტში დეპორტაციისგან არალეგალური მიგრანტების აშშ – ში დაბადებული ბავშების დაცვის მუხლი, ეს პროგრამა ამჯერად სენატმა დაბლოკა, მანამდე კი დონალდ ტრამპმა.
შეერთებული შტატების თანამედროვე ისტორიაში ეს არის მთავრობის მუშაობის შეჩერების პირველი შემთხვევა იმ პირობებში, როდესაც კონგრესის ორივე პალატას ერთი პარტია აკონტროლებს.
მომხდარი ნიშნავს, რომ ფედერალური უწყებების მილიონამდე თანამშრომელს უხელფასო შვებულებაში გაუშვებენ.
კენჭისყრა სენატში კაპიტოლიუმის შენობასთან საპროტესტო აქციის ფონზე წარიმართა.
