“როიტერსის” მიერ გავრცელებული ინფორმაციის მიხედვით მსოფლიო ფეხბურთის ვარსკვლავი, ბრაზილიის ნაკრების ყოფილი ფეხბურთელი პელე ჰოსპიტალიზებულია.
სააგენტოს ინფორმაციით, გუშინ 77 წლის პელემ გონება დაკარგა და ბრაზილიის ერთ-ერთ საავადმყოფოში გადაიყვანეს. ექიმებმა მას ორგანიზმის ძლიერი გამოფიტვის დიაგნოზი დაუსვეს და შესაბამისი ზომებიც მიიღეს.
არის თუ არა გონის წასვლა სხვა უფრო სერიოზული დაავადების სიმპტომი, სრულ გამოკვლევამდე გამოვლენილი არ არის, მისი ჯანმრთელობის მდგომარეობას ექიმები აკვირდებიან.
პელემ უკანასკნელი წლების მანძილზე გადაიტანა რთული ოპერაცია თეძოზე, დიდხანს მკურნალობდა თირკმლების უკმარისობას და პროსტატიტს.
ბოლო პერიოდში იგი დამოუკიდებლად ვერ გადაადგილდება და მოსკოვში 2018 წლის მსოფლიო ჩემპიონატის კენჭისყრას ეტლში მჯდოპმი დაესწრო.
იანვარში მას ლონდონში ჰქონდა დაგეგმილი ვიზიტი, მაგრამ სავარაუდოდ იგი გადაიდება.