დაახლოებით 4 კვადრატული მეტრი ფართობი დაიწვა თბილისის მერიაში გაჩენილი ხანძრის შედეგად . ცეცხლი მეცამეტე სართულზე გაჩნდა. ადგილზე ერთი სახანძრო-სამაშველო ჯგუფი იყო მობილიზებული. საგანგებო სიტუაციების მართვის სააგენტოს ინფორმაციით, ხანძარი მეცამეტე სართულზე განთავსებულ ინვენტარს გაუჩნდა. ხანძარი ამჟამად ლიკვიდირებულია.
შემთხვევის შედეგად არავინ დაშავებულა. ხანძრის გამომწვევი მიზეზები უცნობია.