ცხინვალის რაიონის სოფელ არცევში მარეკ დუდაევი მოკლეს. ამის შესახებ ინფორმაციას ცხინვალის მედია ავრცელებს.ადგილობრივი მილიციის წარმომადგენლების მტკიცებით, მას თანასოფლელმა ესროლა.მარეკ დუდაევი სოფლის ყოფილი კლუბის შენობაში მეორე სართულზე იმყოფებოდა. დე-ფაქტო სამხრეთ ოსეთის შინაგან საქმეთა სამინისტროს ცნობით, დუდაევს სამი ტყვია აქვს მოხვედრილი.სხვა დეტალები ამ ეტაპზე არაა ცნობილი.
მარეკ დუდაევი 2004 წლის მარტში მაშინდელმა საქართველოს ხელისუფლების ძალოვნებმა დააკავეს და 23-წლიანი პატიმრობა მიუსაჯეს. ხელისუფლების შეცვლის შემდეგ, ის პატიმრობიდან გაათავისუფლეს და დე-ფაქტო რესპუბლიკას გადასცეს.