ეროვნულ-დემოკრატიულმა ინსტიტუტმა საქართველოში საზოგადოებრივი კვლევის შედეგები წარადგინა. კვლევისას დაინტერესდნენ, თუ რა საშუალებით იღებენ კვლევის მონაწილეები ინფორმაციას.

 

აღმოჩნდა, რომ გამოკითხულთა 72% ინფორმაციას ტელევიზიით იღებს, 21% Facebook-ითა და ინტერნეტით. ამასთან გაირკვა, რომ ინტერნეტს კვირაში ერთხელ მაინც 18-35 წლამდე ადამიანების 92%, 36-55 წლის ადამიანების 66%, 56+ ადამიანების 19% იყენებს.

 

შეკითხვაზე – "ყველაზე მეტად რომელ არხებს ენდობით პოლიტიკისა და მიმდინარე მოვლენების შესახებ სანდრო ინფორმაციის მისაღებად?" – პასუხები შემდეგნაირად გადანაწილდა. გამოკითხულთა 46%-46%  "რუსთავი 2"-სა და "იმედს" ენდობა, საზოგადოებრივ მაუწყებელს ენდობა 9%, არცერთ ტელევიზიას არ ენდობა 19%.

 

კვლევები ჩატარდა 29 ნოემბერი-19 დეკემბრის ჩათვლით. საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე.

 

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. საშუალო ცდომილების ზღვარი არის +/- 1.9%.