ევროკავშირი აფგან მუხთარლის საქარველოდან გატაცებისა და აზერბაიჯანში მისთვის პატიმრობის შეფარდების საფუძვლიან გამოძიებას მოითხოვს.ევროპის საგარეო ქმედებათა სამსახურის ოფიციალურ ვებ გვერდზე გამოქვეყნებულ განცხადებაში ნათქვამია, რომ სასამართლოს მიერ აზერბაიჯანელი ჟურნალისტისთვის 6 წლიანი პატიმრობის შეფარდება, სერიოზულ კითხვებს ბადებს ადამიანის ძირითადი უფლებების განხორციერლებათან დაკავშირებით."აფგან მუხთარლის საქართველოდან სავარაუდო გატაცება, რასაც აზერბაიჯანში მისი დაპატიმრება და სამართლებრივი დევნა მოჰყვა, კვლავ საჭიროებს საფუძვლიან და გამჭვირვალე გამოძიებას," – წერია განცხადებაში.
ბრიუსელი ოფიციალურ ბაქოს თავისუფლების აკვეთის ყველა იმ შემთხვევის დაუყოვნებლივ გამოძიებისკენ მოუწოდებს, რომლებიც ადამიანის ფუნდამენტური უფლებების განხორციელებასთან არის დაკავშირებული.