ბათუმის საქალაქო სასამართლოში ირაკლი ჩხვირკიას და მერაბ ღოღობერიძის სასამართლო პროცესი დასრულდა. მოსამართლე დავით მამისეიშვილმა ბათუმის მოვლენებში ბრალდებულებს 1 წელი და 6 თვიანი პატიმრობა მიუსაჯა.
მოსამართლის მიერ გადაწყვეტილების გამოცხადებას სასამართლო დარბაზში ხმაური მოჰყვა.
ირაკლი ჩხვირკიას პატიმრობაში დატოვება მისი ოჯახის წევრებმა და ახლობლებმა გააპროტესტეს. განაჩენის გამოცხადებას ესწრებოდნენ "თავისუფალი ზონის" წევრები. ისინი ამ წუთებში საპროტესტო აქციისთვის ემზადებიან.
გამოძიება ირაკლი ჩხვირკიას სისხლის სამართლის კოდექსის 225-ე მუხლის დარღვევას ედავება. მას 2017 წლის 11-12 მარტს, ბათუმში პოლიციის წინააღმდეგ გამართული აქციის ორგანიზებასა და ხელმძღვანელობაში ადანაშაულებენ.