7 იანვარს რუსთავში, ერთ-ერთი საცხოვრებელი კორპუსის სადარბაზოში ახალშობილი იპოვეს. ახალშობილის დედის ვინაობა უცნობია.
კლინიკა „რუსთავის" სამშობიარო განყოფილების უფროსის ბადრი გელენავას განცხადებით, ჩვილს ყველა საჭირო გამოკვლევა ჩაუტარდა, მისი ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.
ბავშვი კლინიკაშია დარჩება მანამ, სანამ სოციალური სამსახური გადაწყვეტილებას მიიღებს – უახლოეს პერიოდში მას გადაიყვანენ ჩვილ ბავშვთა სახლში, ხოლო შემდეგ სამსახური აპირებს ბიჭის მიმღები ოჯახის პოვნას, რომელიც ახალშობილის მზრუნველობას აიღებს თავის თავზე.
შსს-ს განცხადებით, სისხლის სამართლის საქმე 127-ე მუხლით აღიძრა და მიმდინარეობს გამოძიება.