ირანში მიმდინარე საპროტესტო აქციებთან დაკავშირებით გაეროში უშიშროების საბჭოს რიგგარეშე სხდომა გაიმართა.
შეხვედრაზე შეერთებული შტატებისა და რუსეთის წარმომადგენლებმა მწვავედ იკამათეს.
რუსეთის ელჩმა ამერიკული მხარე საგანგებო სხდომის მოწვევის გამო გააკრიტიკა და განაცხადა, რომ ირანის შიდა საქმეში ჩარევის მცდელობით ვაშინგტონი უშიშროების საბჭოს ავტორიტეტს ძირს უთხრის. შეერთებული შტატების მუდმივმა წარმომადგენელმა კი კიდევ ერთხელ გამოუცხადა სოლიდარობა ირანელ ხალხს და ქუჩაში გასულ დემონსტრანტებს მამაცი ადამიანები უწოდა.
ირანის ელჩმა ქვეყანაში განვითარებულ მოვლენებში უცხო ქვეყნების ჩარევის გამოძიება მოითხოვა.
საპროტესტო აქციების დროს მომხდარ შეტაკებებს ირანის ქალაქებში 20-ზე მეტი ადამიანი ემსხვერპლა