ლონდონის უნივერისტეტის აფრიკული და აზიური კვლევების სკოლა გამოსავალს იმ ენების მდგომარეობაში, რომელთაც  გაქრობა ემუქრება, მათ დაკონსერვებაში ხედავს.

 

ლინგვისტები მიიჩნევენ, რომ ენების შენარჩუნება სულ უფრო რთულდება, რადგან ახალგაზრდები ცდილობენ უფრო გავრცელებული და ასევე მარტივი ენები შეისწავლონ. არადა, ამ დროისთვის მსოფლიოში ჯერ კიდევ არსებობს დაახლოებით 7 000 ცოცხალი ენა, რომლებზეც ადამიანები ასე თუ ისე ლაპარაკობენ. თუმცა ტენდეცია ასეთია: ამ ენების 90% მომდევნო 200 წელიწადში გაქრება.

 

როგორც Times-ი წერს, ენების გაქრობა კულტურისთვის დიდი დანაკლისია, ამიტომ საჭიროა მათი მინიმუმ კატალოგიზაცია, რისთვისაც 20 მილიონი ფუნტი სტერლინგის დახარჯვა იგეგმება.

 

ლონდონის უნივერისტეტის აფრიკული და აზიური კვლევების სკოლა  ახორციელებს პროექტს, რომელიც დაახლოებით 400 იშვიათი ენის აუდიოდაფიქსირებას ითვალისწინებს. სპეციალისტები იმედოვნებენ, რომ კიდევ 3500 ენის გადარჩენას შეძლებენ.

 

ამ პროექტის განხორციელება ქველმოქმედის Tetra Pak-ის იმპერიის მემკვიდრის ლისბერტ როზინგის ფინანსური დახმარების წყალობით გახდა შესაძლებელი, რომელმაც ამ მიზნით სპეციალური ფონდი ჩამოაყალიბა.