ნიუ-იორკის შტატში, ქალაქ ნიუ კასლში ბილ და ჰილარი კლინტონების საცხოვრებელ კომპლექსში ხანძარი გაჩნდა.
ცეცხლი არა მთავარ შენობას, არამედ კომპლექსის ტერიტორიაზე მდებარე პატარა კოტეჯის საძინებელს მოედო, 15.15 საათზე ადგილობრივი დროით. ცეცხლი დაცვის სამსახურმა შენიშნა და ადგილზე სამაშველო ბრიგადა გამოიძახა, რომელმაც ხანძარი მალევე ჩააქრო.
შედეგად არავინ დაშავებულა. გავრცელებული ცნობით, ინციდენტის დროს ბილ და ჰილარი კლინტონები სახლში არ იმყოფებოდნენ.
შეერთებული შტატების ყოფილმა პრეზიდენტმა და პირველმა ლედიმ ეს კომპლექსი 1999 წელს მილიონ 700 ათას დოლარად იყიდეს.
