თემირლან მაჩალიკაშვილსაც ექნებოდა ბევრი შეკითხვა, მაგრამ უმისამართო ტყვიამ დაადუმა, მე ამას სტრასბურგამდე მივიყვან, – ამის შესახებ თემირლან მაჩალიკაშვილის მამამ მალხაზ მაჩალიკაშვილმა ჟურნალისტებს განუცხადა. მისივე თქმით, ის მოითხოვს ყველანაირ ექსპერტიზას, რომ სიმართლე დადგინდეს. „მოვითხოვ ყველანაირ ექსპერტიზას, რომ სიმართლე დაადგინონ. მე ამას სტრასბურგამდე მივიყვან და სიმართლეს დავადგენ. ჩემთვის მნიშვნელოვანია სიმართლე დადგინდეს. ჩემს შვილსაც ექნებოდა ბევრი შეკითხვა, მაგრამ უმისამართო ტყვიამ დაადუმა. ვცდილობ, რომ მის შეკითხვებს გავცე პასუხი“, – განაცხადა მალხაზ მაჩალიკაშვილმა.