ქალაქ სამსუნის სასამართლომ განიხილა ცოტა ხნის წინ რიზეში ყაჩაღობის ფაქტზე დაკავებული სამი ქართველი საქმე.
დაკავებულები არიან საქართველოს მოქალაქეები: გიორგი მაშია და მერაბ ფიფია და უკრაინის მოქალაქე ვალერი გვასალია.
მოსამართლის გადაწყვეტილებით, მერაბ ფიფია სასამართლო დარბაზიდან გათავისუფლდა, ხოლო გიორგი მაშიას და ვალერი გვასალიას პატიმრობა მიესაჯათ.
გამოცემა „მილიეტის“ ცნობით, უსაფრთხოების დეპარტამენტის რიზეს სამმართველოს თანამშრომლებმა ისინი ქალაქის ერთ-ერთ უბანში ქართული სანომრე ნიშნებით მოძრავი მიკროავტობუსით მოძრაობისას გააჩერეს.
მიკროავტობუსში ჩატარებული ჩხრეკისას სამართალდამცველებმა ნაყაჩაღარი 28 600 აშშ დოლარი, 1000 ევრო, 1800 თურქული ლირა და 4 მობილური ტელეფონი ამოიღეს.