წუხელ თბილისში, მიცკევიჩის ქუჩაზე „საქართველოს ბანკის“ ექსპრესბანკზე თავდასხმა მოხდა. დამნაშავე ბანკში ცეცხლსასროლი იარაღით შევიდა, ისმოდა სროლის ხმაც. თავდამსხმელი თანხას ითხოვდა.
შინაგან საქმეთა სამინისტროს პრესსამსახურის ცნობით, თავდამსხმელი ადგილზევე დააკავეს. თავდასხმის შედეგად არავინ დაშავებულა. ამოღებულია ცეცხლსასროლი იარაღი.
გამოძიება სისხლის სამართლის კოდექსის ორი მუხლით მიმდინარეობს: 179-ე, ყაჩაღობის მუხლითა და 236-ე მუხლით, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.