მინდა, მადლობა გადავუხადო კახა კალაძეს, რომელიც ენერგეტიკის მიმართულებას 5 წლის განმავლობაში ხელმძღვანელობდა'', – განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა სააქციო საზოგადოება „საქართველოს სახელმწიფო ელექტროსისტემის“ ოფისში სტუმრობისას .
პირველმა ვიცე-პრემიერმა სახელმწიფო კომპანიაში დაათვალიერა ეროვნული სადისპეტჩერო ცენტრი და იქ დამონტაჟებული მართვის ფარი, რომელიც უახლესი ტექნოლოგიებითაა აღჭურვილი, პირველია კავკასიის რეგიონში და პასუხისმგებელია ენერგოსისტემის ოპერატიულ მართვაზე, რომელიც SCADA-ს სისტემით ხორციელდება. კომპანიის ხელმძღვანელებმა მას, სამომავლო განვითარების ძირითადი მიმართულებები გააცნეს.
შეგახსენებთ, კანონში შესული ცვლილების შედეგად, ენერგეტიკის სამინისტრო ეკონომიკისა და მდგრადი განვითარების სამინისტროსთან გაერთიანდა.