ჟურნალისტთა საერთაშორისო ფონდმა წლევანდელი "ოქროს ფრთის" 21 გამარჯვებული გამოავლინა. ქართული მედიის წარმომადგენლებთან ერთად, დაჯილდოვდნენ საზოგადოების სხვა ცნობილი სახეებიც.
კათოლიკოს პატრიარქს პრიზი ერის სულიერი გაძლიერებისა და სამოქალაქო მშვიდობის ხელშეწყობისთვის შეტანილი წვლილისთვის გადაეცა.
ნომინაციაში – წლის ექსკლუზიური რეპორტაჟები და ყველაზე რეიტინგული საინფორმაციო გადაცემები – საუკეთესოდ „რუსთავი 2"-ის საინფორმაციო სამსახურის ხელმძღვანელი ნოდარ მელაძე დასახელდა.
გარდა ამისა, ნუცა მახვილაძის სახელობის სპეციალური სტუდენტური პრემიით დაჯილდოვდა ერთ-ერთი სტუდენტი, ლიკა ქსოვრელი. ჯილდო მას ნუცას დედამ, მაია ასათიანმა გადასცა.