დღეს ქუთაისში, აღმაშენებლის ქუჩაზე, მშენებარე კორპუსიდან გადმოვარდნის შედეგად, ორი მუშა დაიღუპა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც გულისხმობს სამთო, სამშენებლო ან სხვა სამუშაოების წარმოებისას უსაფრთხოების წესის დარღვევას, რამაც გამოიწვია სიცოცხლის მოსპობა.
უწყებაში ამ ეტაპზე დეტალებზე არ საუბრობენ და აცხადებენ, რომ მიმდინარეობს საგამოძიებო მოქმედებები.