მთავარისიახლეებისამართალიპანკისში დაჭრილი და დაკავებული ახალგაზრდების ოჯახები მთავრობას მათ წინააღმდეგ უსამართლოდ...

პანკისში დაჭრილი და დაკავებული ახალგაზრდების ოჯახები მთავრობას მათ წინააღმდეგ უსამართლოდ განხორციელებულ ქმედებაში ადანაშაულებენ

Published on

პანკისში ჩატარებული სპეცოპერაციისას დაჭრილი თემირლან მაჩალიკაშვილის ოჯახი  მთავრობას მათ წინააღმდეგ უსამართლოდ განხორციელებულ ქმედებაში ადანაშაულებს.
მათი თქმით,  ისინი სპეცოპერაციისას სამართალდამცველებმა პირველ სართულზე გამოამწყვდიეს და გადაადგილების საშუალებას არ აძლევდნენ, თან ტელეფონებიც ჩამოართვეს,  თემირლან მაჩალიკაშვილი კი ამ დროს მეორე სართულზე, საძინებელში იმყოფებოდა.
 
 "მძინარეს ესროლეს. ეგ ჩატაევი საერთოდ არ მაინტერესებს" –  აცხადებს  დაჭრილი ახალგაზრდის ბებია
მაჩალიკაშვილები კატეგორიულად უარყოფენ, რომ ახმედ ჩატაევთან თემირლან მაჩალიკაშვილის კავშირს. მათი თქმით, ის სტუდენტია და თბილისში სწავალობს. ისინი ასევე კატეგორიულად უარყოფენ გავრცელებულ ინფორმაციას, რომ მათი სახლიდან ამოღებულია იარაღი, მათი განმარტებით, მათ ოჯახში არანაირი იარაღი არ იყო. 
 
შს სამინისტროს განცხადებით კი თემირლან მაჩალიკაშვილი „დაკავებისას შეეცადა წინააღმდეგობა გაეწია სამართალდამცველებისათვის, კერძოდ უნდოდა მოქმედებაში მოეყვანა ხელყუმბარა, რა დროსაც დანაშაულის აღსაკვეთად უკიდურესი აუცილებლობიდან გამომდინარე გამოყენებულ იქნა პროპორციული ძალა და მოხდა ს მისამართით გასროლა, რის შედეგადაც ამ უკანასკნელმა თავის არეში მიიღო დაზიანება, იგი ამჟამად ჰოსპიტალიზირებულია,“ 
 
სპეცოპერაციასთან დაკავშირებვიტ პრეტენზიები აქვს სოფელ ომალოში დაკავებული ბადურ ჩოფანაშვილის ოჯახსაც, რომელიც კატეგორიულად უარყოფს ჩხრეკის დროს იარაღის ამოღებას.
"დაახლოებით 04:00 საათი იქნებოდა, კარის გაღებაც არ აცალეს ჩემს ბიჭს, ისე შემოვარდნენ. გაჩხრიკეს ყველაფერი, იარაღი ვერ ნახეს, ან სად უნდა ენახათ, ჩემი შვილს რად უნდა იარაღი, შრომობს, სოციალურად დაუცველია. ოთხი მცირეწლოვანი ბავშვი ყავს. ხელიც მოვაწერეთ, რომ არავითარი იარაღი არ ყოფილა, მხოლოდ საძილე ტომარა, ტელეფონი, ბავშვის ლეპტოპი და რაღაც დისკდები წაიღეს. რა უნდათ, არაფერი ვიცით", – აცხადებენ დაკავებულის დედა გ ასმათ მუთოშვილი.
 

როგორც ცნობილია, დღეს პანკისის ხეობაში სპეცოპერაცია ჩატარდა. დაკავებულია ოთხი პირი, მათ შორის თემირლან მაცალიკაშვილი  ოფელ დუისში აიყვანეს, ბადო ჩოფანაშვილი ომალოში, ხოლო დუისის მცხოვრები ხიზირ მარგოშვილის აყვანა თბილისში მოხდა. დაკავებულია ასევე დუისელი რუსლან ალხანაშვილი. 
 
მიმდინარე სპეცოპერაცია შსს განცხადებით თბილისში ერთი თვის წინ გაბრიელ სალოსის გამზირზე ჩატარებულ სპეცოპერაციას უკავშირდება.

 
 

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...