მთავარისიახლეებისაზოგადოებაქართული სიტყვა ,,მეუღლე'' ჰოლანდიური აქცენტით

ქართული სიტყვა ,,მეუღლე” ჰოლანდიური აქცენტით

Published on

 დღეს საქართველოს პირველი ლედისა და საზოგადო მოღვაწის სანდრა რულოვსის დაბადების დღეა. 
 
ლედი სანდრა რულოვსმა  ძალიან მაღლა შემოდო თამასა, რომელიც პირველი ლედის მისიას უკავშირდება. აქედანვე ცხადია,  ეს სიმაღლე ყოველთვის ძნელად დასაძლევი  იქნება ყველასთვის, ვისაც  მომავალში ამ ტიტულის ტარებას დააკისრებს ცხოვრება,   რადგან სანდრა რულოვსთან ფრთების დატოლება მოითხოვს თავგანწირულ (!) სიყვარულს  სამშობლოდ მიღებული ქვეყნისთვის,   თანადგომას მეუღლისადმი ურთულესი პოლიტიკური ქარტეხილების ჟამსაც და, ერთი შეხედვით, რუტინულ  დღეებშიც , თუკი ასეთი რამ   შეიძლება ჰქონდეს პრეზიდენტს, რომელიც ქვეყანას სრულიად განასკუთრებულ პირობებში აშენებს: ეს არის ძნელად დასაძლევი წინააღმდეგობა ძველსა და ახალს, გარეშე მტრის  იმპერიულ, კოლონიალურ პოლიტიკასა და ეროვნულ, სახელმწიფო  ინტერესებს, საბჭოურსა და დემოკრატიულ ღირებულებებს, ქვეშევრდომულ განწყობებსა და ღირსეულ მოქალაქეობრივ პოზიციას შორის.
 
სრულიად განსაკუთრებული სახალხო სიყვარულის გარდა, სანდრა  რულოვსს უდიერთაგან ნასროლიტალახის ბელტებიც არ ააცდინა  ქართულმა პარადოქსებმა, თუმცა კვლავ და კვლავ რჩება დადასტურებად ჭეშმარიტებისა, რომ მარმარილოს ტალახი არ ეკვრის.
 
მისი ცხოვრება გავს ოპტიმისტური დრამის სცენარს, რომლის მთავრი პერსონაჟი გამუდმებულ შიშსა და ფიქრშია ქვეყანაზე, რომელიც მისი სამშობლო გახდა, ხალხზე, რომელსაც უჭირს, შია, წყურია და წამლის ფული არა აქვს. ის, როგორც პირველი ლედის კლასიკურ სახეს შეეფერება, ზრუნავს ობლებსა და მოუცებზე, დაუცველ ქალებზე, კაპიკ–კაპიკ აგროვებს და აფინანსებს იმ ახალგაზრდების განათლებას, რომელთაც უნდა შეცვალონ ქვეყნის მომავალი და, ბოლოს და ბოლოს, თუ საჭიროა, ცხვირის აბზუების გარეშე ატარებს  მძიმე ავადმყოფების ( მათ შორის თვით შვილებისგან მიტოვებულების) ღამის ქოთნებს, ის, პირველი ლედი… ის, სანდრა რულოვსი…
 
სანდრა რულოვსის პოლიტიკური სახე  დასავლეთევროპელის  გარეგნული თავშეკავებულობის, სულში ჩაბრუნებული ემოციებისა და გულში ქართული ცეცხლის ნაზავია,  იგი გამოიცადა და კვლავაც გადის გამოცდას ახალ – ახალ,  ხშირად წარმოუდგენელ, ექსტრემალურ პირობებში. 
 
რომელი მწერალი მოიფიქრებდა  იმაზე მძაფრსიუჟეტიან  სცენარს, რომელსაც ჯერ საქართველოში, ახლა კი უკრაინაში მიყვება მისი ცხოვრება.
 
 
დღეს ის უკრაინაშია, იქ, სადაც წყდება როგორც ამ ქვეყნის, ისე საქართველოს ბედი, იქ სადაც მტკიცედ დგას პრეზიდენტი სააკაშვილი, ვისთვის  – კვარცხლბეკზე, ვისთვის – როგორც  გიჟი სახურავზე ( თუ იციან ნეტავ, რომ რომ ასეთი ,,სიგიჟის'' სინონიმი გმირის გახელებაა).
 
და ბოლოს, არ არის გასაკვირი, რომ უამრავ მილოცვაში, რომელსაც ლედი სანდრა დღეს იღებს სოციალური ქსელების მეშვეობით,  ბოდიშები ჭარბობს, ბოდიშები, რომელსაც მას უბრალო ხალხი უხდის და არა ის, ვისაც ამ ბოდიშის მოხდა მართებს. ასეთია ისევ და ისევ ქართული პარადოქსები.  

 

 

სიახლეები

დაკავება თაღლითობის ბრალდებით – კომპანიის მფლობელს, რომელმაც მოქალაქეს 24 ათასი ლარი მოტყუებით გამოსძალა, 9 წლამდე ციხე ემუქრება

თბილისის პროკურატურამ დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა. გამოძიების ინფორმაციით,...

თბილისში ძარცვისა და ქურდობის ბრალდებით 4 არასრულწლოვანი დააკავეს

ჯგუფის მიერ ჩადენილი ძარცვისა და ქურდობის ბრალდებით, სხვადასხვა დროს 4 არასრულწლოვანი დააკავეს. ინფორმაციას ამის...

ვრწმუნდები, თუ რა დიდი მოვლენა იყო ოთხი ოქტომბრის საქართველოს ეროვნული კრება – პაატა ბურჭულაძე

„მინდა მივმართო საკონსტიტუციო სასამართლოს პატივცემულ მოსამართლეებს: "ვადევნებ თვალს თქვენს პროცესს და კიდევ ერთხელ ვრწმუნდები,...

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...