ჩაწყობილი თამაშების გამო დაკავებულებს ბრალს დღეს წარუდგენენ

საკალათბურთო კლუბ "სოხუმის" მწვრთნელი ვაჟა კვარაცხელია და ამავე კლუბის თანამფლობელი თემურ დათიკაშვილი კომერციული მოსყიდვის თაობაზე ბრალს არ აღიარებენ, – ამის შესახებ ჟურნალისტებს დაკავებულების ადვოკატმა თამარ აბესაძემ სუს-იდან გამოსვლის შემდეგ განუცხადა. უფლებადამცველი მის დაცვის ქვეშ მყოფ ორივე პირს ესაუბრა და განაცხადა, რომ დაკავებულებს ბრალს ოფიციალურად, სავარაუდოდ 12:00 საათზე წარუდგენენ. ადვოკატის თქმით, კვარაცხელიაც და დათიკაშვილიც ამბობენ, რომ ეს ყველაფერი კონკრეტული პირის მიერ არის პროვოცირებული, თუმცა, მის ვინაობას ადვოკატი არ აკონკრეტებს."დანაშაული პროვოცირებულია. ყველა გარემოების გამოკვლევა ჩატარდება. ვიცით ის პირი, ვინც პროვოცირება მოაწყო აღნიშნულის და მას რაში აწყობდა ასეთი, რამ ეს საკვლევია. ვერ გეტყვით, თუ ვიზეა საუბარი, მოქალაქეა თუ ჩანერგილი პირი, ამას დავადგენთ ჩვენ თვითონ გამოძიების მასალებით", – განაცხადა ადვოკატმა.სახელმწიფო უსაფრთხოების სამსახურის ინფორმაციით, სამი მსაჯისა და ორი მწვრთნელის დაკავება საკალათბურთო ჩემპიონატის „სუპერლიგის“ სამი მატჩის ჩაწყობას უკავშირდება.როგორც სუსის განცხადებაშია ნათქვამი, მსაჯებმა და მწვრთნელებმა აღნიშნული თამაშების კონკრეტული შედეგებით დასრულების სანაცვლოდ ჯამში, 36000 ლარი აიღეს.

ჩაწყობილი თამაშების გამო დაკავებულებს ბრალს დღეს წარუდგენენ

სიახლეები

„ჯაშუშობის“ ბრალდებით დაკავებულ გალელ მასწავლებელს 6 წლითა და 9 თვით პატიმრობა მიუსაჯეს

ლორა თორნტონი ციხეში ელენე ხოშტარიას გაუარესებულ მდგომარეობას ეხმაურება

ევროკავშირი სომხეთისთვის სავაჭრო შეღავათებს ამზადებს, რუსული იმპორტის შეზღუდვების კომპენსირებისთვის

ევროპარლამენტმა საქართველოს შესახებ ანგარიში დაამტკიცა