ზუდიდის ბაზრის მოვაჭრეები დილით ძლიერი წვიმის შედეგად დატბორილ ბაზარში წყლის ამოტუმბვას ითხოვდნენ. მოვაჭრეები უკმაყოფილებას გამოთქვამენ იმის გამო, რომ წვიმიან ამინდში დახლებთან მისასვლელი გზები იტბორება და ეს პრობლემა წლებია არსებობს.მოვაჭრეების განმარტებით, პრობლემის მოგვარების მოთხოვნით რამდენჯერმე მიმართეს ადმინისტრაციას, სადაც განმარტავენ, რომ აღნიშნული პრობლემა მათ არ ეხებათ, რადგან ამ საკითხზე მათი თქმით, ობიექტების მესაკუთრეებმა უნდა იზრუნონ.
მოვაჭრეებისთვის გაუგებარია, რატომ არის პრობლემა ყოველი წვიმის დროს წყლის დაგუბება და შესაბამისი სამსახურები რატომ არ ახდენენ დროულ რეაგირებას პრობლემის აღმოსაფხვრელად. ისინი შესაბამის სავაჭრო პირობებს და ნორმალურ გარემოს ითხოვენ. “წლებია ეს პრობლემაა აქ, რამდენჯერაც იწვიმებს, იმდენჯერ იტბორება აქაურობა და ღია ცის ქვეშ გვიყრია საქონელი, კლიენტები ვერ მოდიან დახლამდე, რამდენჯერ მივმართეთ ადმინისტრაციას, მაგრამ არ გვეხებაო ჩვენ და ვართ ასე..“- ამბობს მაია კვანჭიანი
