1992 წელს დაღუპული მიხეილ ჯინჭარაძის ნეშტი დღეს აფხაზეთიდან გადმოასვენეს.ენგურის ხიდზე ნეშტს ოჯახის წევრები და ახლობლები დახვდნენ.მიხეილ ჯინჭარაძის შვილის ალექსანდრე ჯინჭარაძის თქმით, ის 1992 წლის 2 ოქტომბერს გაგრის ბრძოლებში დაიღუპა. მისი საფლავი ოჯახმა ზუსტად იცოდა.ცხედრის გადმოსვენება 25 წლის შემდეგ გახდა შესაძლებელი.მიხეილ ჯინჭარაძე აფხაზეთის უზენაესი საბჭოს დეპუტატი , ასევე გაგრის მერიის ადმინისტრაციის უფროსი იყო. გაგრაში დაღუპული ქართველის ცხედარს თბილისში, ძმათა სასაფლაოზე დაკრძალავენ.