,, x factori – 2015'' -ის გამარჯვებული გიორგი ნაკაშიძე ზუგდიდში წინა საახალწლო სოლოკონცერტს გამართავს – 26 დეკემბერს კულტურის ცენტრ ,,ოდიშის"საკონცერტო დარბაზში მაყურებელს დაუვიწყარი სანახაობა ელის.
როგორც საღამოს ორგანიზატორი ბექა ლაგვილავა ამბობს, კონცერტში გიორგი ნაკაშიძესთან ერთად მონაწილეობას მიიღებენ სხვადასხვა მაღალრეიტინგული მეგაშოუების გამარჯვებულები, ფინალისტები და ნახევარფინალისტები.
პროდიუსერ აკო მეუნარგიას განცხადებით, მომღერალი, რომელმაც დიდ სცენაზე თავისი შემოქმედებითი კარიერა არმიელის სტატუსით დაიწყო, ზუგდიდელებთან და ქალაქის სტუმრებთან ერთად კონცერტზე განსაკუთრებული პატივით იწვევს ჯარისკაცებს.
კონცერტზე მიწვეულ იქნებიან ადგილობრივი ხელისუფლების ორგანოების, სხვადასხვა არასამთავრობო ორგანიზაციების წარმომადგენლები.
კონცერტის მედია მხარდამჭერია ტელე-რადიო კომპანია ,,ოდიში"
კონცერტი 18:00 საათზე დაიწყება და ორ საათს გასტანს. ბილეთის ფასი 5 ლარია, ბილეთები შეგიძლიათ შეიძინოთ ტელე-რადიო კომპანია ,,ოდიში"-ს პირველ სართულზე.