ზუგდიდის ისტორიულ-არქიტექტურული მუზეუმიდან გათავისუფლებული თანამშრომელი სამსახურში დაბრუნებას აპირებს.ყოფილი რუსულენოვანი გიდი ელზა ზოდელავა მუზეუმიდან 2017 წლის თებერვალში დაითხოვეს. ზოდელავამ ზუგდიდის რაიონულ სასამართლოში სარჩელი საქართველოს შრომის კოდექსის 37-ე მუხლის ერთ-ერთი ქვეპუნქტის საფუზველზე შეიტანა შემდეგი მოთხოვნით: სამსახურიდან გათავისუფლების ბრძანების ბათილად ცნობა, სამსახურში აღდგენა და განაცდურის ანაზღაურება. სასამართლოში ელზა ზოდელავას ინტერესებს "საერთაშორისო გამჭვირვალობა-საქართველოს" იურისტი ლელა მოწონელიძე იცავდა."ჩვენი მოთხოვნა არ დააკმაყოფილა ზუგდიდის რაიონულმა სასამართლომ, ამის შემდეგ გავასაჩივრეთ ქუთაისის სააპელაციო სასამართლოში, რომელმაც ჩვენი მოთხოვნები სამივე ნაწილში დააკმაყოფილა, განუცხადა "ოდიშინიუსს" ლელა მოწონელიძემ. "ეს იყო უსამართლობა, მუზეუმში ბევრი უსამართლობა ხდება, ჩემი გათავისუფლება პირადი ინტერესების გამო მოხდა, როგორც კი მექნება ოფიციალური განჩინება, სამსახურში დავბრუნდები"- განაცხადა ზოდელავამ.
ზუგდიდის მუზეუმიდან გათავისუფლებულმა თანამშრომელმა სააპელაციო სასამართლოში დავა მოიგო
Published on