მიხეილ სააკაშვილი უკრაინის პრეზიდენტს ღია წერილით მიმართავს. "ვცდებოდი, როდესაც მჯეროდა, რომ უკრაინაში თქვენ ქვეყნის აშენებაში დახმარებისთვის მომიწვიეთ. სინამდვილეში, თქვენ მხოლოდ ერთი რამ გადარდებთ, თქვენი მილიარდები. სიმდიდრისთვის მზად ხართ ნებისმიერ მსხვერპლზე, მანიპულაციასა და ტყუილზე წახვიდეთ," – წერს პარტია "ახალი ძალების მოძრაობის" ლიდერი საკუთარ facebook გვერდზე.სააკაშვილის თქმით, უკრაინის ხელისუფლებას არ სურს გაატაროს ქვეყნისთვის სასიცოცხლოდ მნიშვნელოვანი რეფორმები.„სუსტი სახელმწიფოსგან ძლიერის შექმნა და ნებისმიერი აგრესორისთვის წინააღმდეგობის გაწევა შესაძლებელია და ამის მაგალითი არის ისრაელი, საქართველო და სხვა ქვეყნები,“ – აცხადებს ოდესის ყოფილი გუბერნატორი.მისივე თქმით, პოლიტიკური კრიზისის დაძლევის ერთადერთი შანსი პრეზიდენტის ნებაყოფლობით გადადგომაა. პარტია „ახალი ძალების მოძრაობის“ ლიდერი, პოროშენკოსთვის მიწერილ პირად წერილსაც ეხმაურება, რომელიც გასაჯაროვდა. მიხეილ სააკაშვილი აღნიშნავს, რომ მისი დაწერა დასავლელ დიპლომატებთან კონსულტაციის შემდეგ გადაწყვიტა და მიზანი, კონფლიქტის მოგვარების გზების პოვნა იყო."ეს იყო პოლიტიკური კრიზისის დაძლევისთვის საჭირო მოლაპარაკებების დაწყების მცდელობა, იმისთვის რომ უკრაინის მტრებმა პოროშენკოს რეჟიმის სისუსტეები ქვეყნის წინააღმდეგ არ გამოიყენონ. ბატონო პრეზიდენტო, ეს იყო თქვენი საკუთარივე შეცდომებისგან თქვენი გადარჩენის ჩემი ბოლო მცდელობა. ახლა უფრო მნიშვნელოვანია, უკრაინის გადარჩენა და არსებული ვითარების დარეგულირება," – განაცხადა მიხეილ სააკაშვილმა.
“ეს იყო თქვენი საკუთარივე შეცდომებისგან თქვენი გადარჩენის ჩემი ბოლო მცდელობა”- მიხეილ სააკაშვილი პოროშენკოს ღია წერილით მიმართავს
Published on