„გოგიამ მოახერხა, რომ არჩევიდან პირველივე წელს, ზუგდიდის სოფლების ბაღებში ბავშვებს საახალწლო საჩუქრები არ დაგურიგდებათ და ამისთვის ფულის შეგროვება მშობლებს უწევთ“.ზუგდიდის მუნიციპალიტეტის საკრებულოს საფინანსო-საბიუჯეტო საკითხთა კომისიის სხდომაზე ფრაქცია ერთიანი ნაციონალური მოძრაობის თავმჯდომარე ანა წითლიძემ კომისიის წევრებს მუნიციპალიტეტის ბაღებში საახალწლო ზეიმის უსაჩუქროდ ჩატარების შესახებ ინფორმაცია მიაწოდა და საკითხის დაუყოვნებლივ განხილვა მოითხოვა. წითლიძის ინფორმაციით, ფრაქციას რამდენიმე მშობელი ცხელ ხაზზე დაუკავშირდა და აცნობა, რომ საჩუქრების თანხის, თითოეულ ბავშვზე 20 ლარის შეგროვება მშობლებს მოუწევდათ.. ზუგდიდის მუნიციპალიტეტის სკოლამდელი სააღმზრდელო დაწესებულებათა ცენტრის ხელმძღვანელი განმარტავს, რომ 10 ათასი ლარის ოდენობის ტენდერი ჩაიშალა, მუნიციპალიტეტების გაერთიანების შემდეგ კი ხელმეორედ ტენდერის გამოცხადება ვერ ესწრებოდა.“ ლიკვიდაციამაც შეგვიშალა ხელი, ჩვენ არ გვითქვამს რომ მშობლებმა შეაგროვეთ საჩუქრების ფულიო, გავითვალისწინეთ ის, რომ ეკონომიურად ძალიან უჭირთ მშობლებს და ისიც კი ვთქვი, რომ ზედმეტი ფორმებიც კი არ შეეკერათ ბავშვებისთვის, ამ ზეიმს ჩვენ შიდა აქტივობის სახით ჩავატარებთ. ჩვენ გვაქვს კვების პროდუქტები და დესერტები, რითაც მოხდება საჩუქრების შევსება“- განაცხადა ცენტრის დირექტორმა ციცანა თოლორაიამ.ნაციონალური მოძრაობა საკითხის გატანას საკრებულოს სხდომაზე ითხოვს.
„ერთიანი ნაციონალური მოძრაობა“ საკრებულოს სხდომაზე ქალაქის მერს და ა.ა.ი.პ_ის ხელმძღვანელს იბარებს
Published on