დღეს დილით თბილისში, ვარკეთილში "საქართველოს ბანკი" დააყაჩაღეს. თვითმხილველთა ცნობით, ბანკში ორი ნიღბებიანი შეიარაღებული პირი, დაახლოებით დილის 10:00 საათზე შეიჭრა.
წინასწარი ინფორმაციით თავდამსხმელებმა თანხა წაიღეს და მიიმალნენ.
"საქართველოს ბანკშის".საზოგადოებასთან ურთიერთობის სამსახური ს ხელმძღვანელი სოფო ბალავაძე ადასტურებს , რომ თავდასხმაში ორი პირი მონაწილეობდა. ბალავაძე გამორიცხავს, რომ თავდამსხმელებს ბანკიდან დიდი რაოდენობის თანხის წაღება მოეხერხებინათ.
ამ დროისთვის მიმდინარეობს საგამოძიებო მოქმედებები. შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
ეს ბანკის დაყაჩაღების მეორე შემთხვევააა ბოლო საათების მანძილზე – გუშინ საღამოს თბილისში, წერეთლის გამზირზე მდებარე „საქართველოს ბანკის“ ექსპრეს ფილიალში ასევე ნიღბიანი და შეიარაღებული პირი შეიჭრა,მოლარე-ოპერატორს ცეცხლსასროლი იარაღის მუქარით თანხა გასტაცა და შემთხვევის ადგილიდან მიიმალა.
შინაგან საქმეთა სამინისტრომ ცხელ კვალზე დააკავა თავდამსხმელი -1992 წელს დაბადებული თ.ჯ., პოლიციამ დანაშაულის ჩადენის იარაღი და გატაცებული თანხის ნაწილი ნივთმტკიცებად ამოიღო.
გამოძიება ყაჩაღობის ფაქტზე მიმდინარეობს, საქართველოს სსკ-ს 179-ე მუხლის მე-3 ნაწილით, რაც რვიდან თორმეტ წლამდე ვადით თავისუფლების აღკვეთას ითვალისწინებს“, – აცხადებენ შსს-ში.