რომის პაპი ფრანცისკე 81 წლის გახდა. მან დაბადების დღე ვატიკანში აღნიშნა და ბავშვებთან ერთად 4-მეტრიან პიცაზე დამაგრებული სანთელი ჩააქრო. ამის შესახებ New york Post-ი წერს.
გარდა ამისა, რომის პაპი წმინდა პეტრეს მოედანზე შეკრებილ მრევლს მიესალმა. პონტიფიკოსის წლევანდელი დაბადების დღე მის ტრადიციულ ყოველკვირეულ ქადაგებას დაემთხვა.
ფრანცისკემ აღნიშნა, რომ თავის დაბადების დღეზე ის 6 მონაზონის გათავისუფლებისთვის ლოცულობს, რომლებიც 1 თვის წინ ნიგერიაში გაიტაცეს.