ზამთრის მზიანი დღეები მალე დაგვემშვიდობება.
სინოპტიკოსების ცნობით, უნალექო ამინდი საქართველოს უმეტეს რაიონში მხოლოდ 19 დეკემბრამდე შენარჩუნდება, შემდეგ კი შედარებით აცივდება და იწვიმებს, მთაში მოთოვს. დასავლეთ საქართველოში კი ხვალ, 18 დეკემბერს, დღის მეორე ნახევარში შესაძლოა იწვიმოს.
დღეს საქართველოს მთელ ტერიტორიაზე უნალექო ამინდია მოსალოდნელი. ჰაერის მაქსიმალური ტემპერატურა დღისით დასავლეთ საქართველოს დაბლობში 12-19 გრადუსი, აღმოსვლეთ საქართველოს ბარში კი 6-11 გრადუსი იქნება.
თბილისში 19 დეკემბრამდე უნალექო ამინდია მოსალოდნელი. ჰაერის ტემპერატურა დღისით 8-11 გრადუსი იქნება.