სემეკში ჰიდროელექტროსადგურების ტარიფებზე მსჯელობენ.
მიმდინარეობს საჯარო სხდომა, რომელზედაც „ვარდნილჰესების კასკადისა“ და „ენგურჰესის“ ელექტროენერგიის წარმოების 2018-2020 წლების ტარიფების გადახედვის საკითხს ს განიხილავენ. იმსჯელებენ ასევე „ენერგოტრანსის“, „საქრუსენერგოს“ ელექტროენერგიის გადაცემის 2018-2020 წლების ტარიფებზე.
ამ ტარიფების გაზრდა გავლენას იქონიებს წყლის და ელექტროენერგიის სამომხმარებლო ტარიფზე, და თუ როგორს, ეს კონკრეტულად თვის ბოლოსთვის გახდება ცნობილი, როცა მარეგულირებელი კომისია ამ საკითხზე საჯარო სხდომას გამართავს.
თბოსადგურების ტარიფებს მარეგულირებელი კომისია მომდევნო კვირაში განიხილავს. სემეკმა უკვე იმსჯელა წყალმომარაგების და ელექტროენერგიის გამანაწილებელი კომპაბიების საინვესტიციო გეგმებზე, რომელიც სამომხმარებლო ტარიფის დასადგენად ასევე მნიშვნელივანი კომპონენტია. თუმცა GWP-ის სანვესტიციო გეგმებზე მსჯელობა ორშაბათისთვის გადაიდო. სემეკის თამჯდომარემ კომპანიის წარმომადგენლებს მომავალი სამი წლის გეგმის დასამტკიცებლად დამატებითი არგუმენტაციის წარსადგენად დრო მისცა.