საფრანგეთის სამხრეთში სასკოლო ავტობუსის და მატარებლის შეჯახების შედეგად დაღუპული და მძიმედ დასავებული დაშავებული ბავშვების ამოცნობა ამ დრომდე ვერ ხერხდება.
ადგილობრივი პროკურატურის ცნობით, დაღუპულია 4 და მძიმედ არის დაშავებული 7 ბავშვი. დანარჩენი, შედარებით მსუბუქად დაშავებული 12 ბავშვისგან განსხვავებით, მათი ვინაობა დადგენილი არ არის, ამას ძლიერი დაზიანებები უშლის ხელს. .
გუშინ სასკოლო ავტობუსს სარკინიგზო გადასასვლელზე მატარებელი შეეჯახა. ავარია აღმოსავლეთ პირენეის დეპარტამენტისქალაქ მილის სიახლოვეს მოხდა, ადგილობრივი დროით დაახლოებით 16:30 წუთზე. თვითმხილველების თქმით, ავტობუსი გადასასვლელზე მაშინ აღმოჩნდა, როდესაც შლაგბაუმი უკვე დაშვებული იყო. ძლიერი დარტყმისგან ავტობუსი 2 ნაწილად გაიყო. ავარიის მიზეზები ჯერჯერობით უცნობია. თუმცა ვრცელდება ინფორმაცია, რომ ამ სარკინიგზო გადასასვლელზე უსაფრთხოების ზომები არაერთხელ ყოფილა კრიტიკის საგანი.
დაშავებულთაგან ყველაზე პატარა 7 წლისაა, ყველაზე უფროსი კი 15-ის.
მატარებლის მგზავრებიდან და პერსონალიდან არავინ დაშავებულა, თუმცა ბევრ მათგანს ფსიქოლოგის დახმარება დასჭირდათ.