Daily Mail-ის ინფორმაციით, ევროკავშირის კანონმდებლები ევროპაში შაურმის გაყიდვის აკრძალვის ინიციატივით გამოდიან. ამის მიზეზად ისინი შაურმაში ფოსფატის შემცველობას ასახელებენ.
ევროპარლამენტარების ნაწილი იზიარებს ევროპელი მეცნიერების მტკიცებას, რომ ფოსფატი, რომელსაც საშაურმე ხორცის ნახევარფაბრიკატში იყენებენ, გულ-სისხლძარღვთა დაავადებებს იწვევს.
ევროპარლამენტარების მეორე ნაწილი კი აკრძალვის წინააღმდეგია. როგორც ისინი ამბობენ, შაურმის აკრძალვის შემთხვევაში, ევროკავშირის წევრ ქვეყნებში ათასობით ადამიანი სამსახურისა და შემოსავლის გარეშე დარჩება, რადგან ევროპაში მოქმედი საშაურმეების დიდი ნაწილი დაიხურება.
როგორც Daily Mail წერს, შაურმის რეალიზაციის შესახებ გადაწყვეტილებას ევროკავშირის კანონმდებლები სავარაუდოდ, დეკემბრის ბოლომდე მიიღებენ.