თბილისის მერიის ზედამხედველობის საქალაქო სამსახური იმ სამშენებლო ობიექტს შეისწავლის, სადაც გუშინ მუშა გარდაიცვალა. – აცხადებენ თბილისის მერიაში.
გუშინ ქეთევან წამებულის გამზირზე, სასტუმრო „მეტეხის“ ეზოში სარემონტო სამუშაოების დროს მომხდარი უბედური შემთხვევის შედეგად ერთი მუშა გარდაიცვალა, ერთი კი მოტეხილობებით საავადმყოფოში გადაიყვანეს.
სამშენებლო სამუშაოებს შ.პ.ს „დეკო“ აწარმოებს.
მომხდართან დაკავშირებით, გარდაცვლილის ახლობლებს ორი სხვადასხვა ინფორმაცია აქვთ. ერთის თანახმად, მშენებლობაზე დასაქმებული ახალგაზრდა მაღალი სართულიდან გადმოვარდა, მეორე ინფორმაციით კი, მას დაეცა რკინა-ბეტონის სამშენებლო კონსტრუქცია, რომელიც ამწეს ჩამოუვარდა. დასავებული სავადმყოფოსი გადაიყვანეს, მაგრამ მისი გადარჩენა შეუძლებელი აღმოჩნდა.
გარდაცვლილი 25 წლის გიორგი ქარქიშვილია, გორის რაიონის სოფელ ატენის მცხოვრები, რომელიც დედაქალაქს მშენებლობაზე მუშაობდა.