ზუგდიდის მუნიციპალიტეტის სოფელ ოქტომბრის საჯარო სკოლაში მცირე ხნის წინ გაჩენილი ხანძარი უკვე ჩამქრალია.
სახანძრო-სამაშველო სამსახურის თანამშრომლებმა ცეცხლს გავრცელების საშუალება არ მისცეს.
ზუგდიდის საგანმანათლებლო რესურსცენტრის ხელმძღვანელის კახა ფარცვანიას განცხადებით, ცეცხლი შეშის ღუმელს გაუჩნდა და რაიმე განსაკუთრებული საფრთხის შემცველი არ იყო. შემთხვევის შედეგად არავინ დაშავებულა.