საქართველოში უკრაინის საელჩოსთან საპროტესტო აქცია მიმდინარეობს. საქართველოს ყოფილი პრეზიდენტის მიხეილ საააკაშვილის მხარდამჭერები პოროშენკოს რეჟიმის მიერ მისადაკავებას აპროტესტებენ.
მიხელ სააკაშვილი არის პოლიტიკური დევნილი – ეს არის მთავარი გზავნილი, რასაც "ნაციონალური მოძრაობა" უკრაინის ხელისუფლებას უგზავნის და საერთაშორისო თანამეგობრობას საქმისთვის შესაბამისი კვალიფიკაციის მინიჭებას სთხოვს.
აქციის მონაწილეები სასამართლო გადაწყვეტილებას ელოდებიან. საელჩოსთან მონიტორია დამონტაჟებული, სადაც სასამართლო პროცესს პირდაპირი ტრანსლაციის მეშვეობით უყურებენ.
"ნაციონალურო მოძრაობის" წევრები აცხადებენ, რომ საკაშვილის მიმართ არანაირი სამართლებრივი დევნის საფუძველი არ არსებობს და ის სასამართლო დარბაზიდანვე უნდა გათავისუფლდეს.
ამჟამად მიხეილ სააკაშვილი სასამართლოში იმყოფება. მისთვის აღკვეთის ღონისძიების შეფარდების პროცესი დღეს გაიმართება.