"ნაციონალური მოძრაობის" დოკუმენტის შინაარსი- შეწყდეს საქართველოს მესამე პრეზიდენტის პოლიტიკური დევნა- დღეს გასაჯაროვდება

"ნაციონალური მოძრაობის" დოკუმენტის შინაარსი, რომელიც პარტიამ საზოგადოების ცნობილ წევრებთან ერთად შეიმუშავა, დღეს გახდება ცნობილი. პეტიცია საერთაშორისო ორგანიზაციებს, საქართველოს და უკრაინის ხელისუფლებებს გაეგზავნება. მიხეილ სააკაშვილის თანაგუნდელების განცხადებით, საქართველოს მესამე პრეზიდენტის წინააღმდეგ პოლიტიკური დევნის დასრულებას, მისი უფლებების დაცვას და გათავისუფლებას ითხოვენ.„სულისკვეთება არის ძალიან მკაფიო, რომ შეწყდეს პოლიტიკური დევნა, დაცულ იქნას საქართველოს მესამე პრეზიდენტის უფლებები, არ მოხდეს მისი პოლიტიკური ნიშნით დევნა და რაც მთავარია, საქართველოს ხელისუფლებამ თავი ვალდებულად იგრძნოს, რომ მისი მოქალაქის და მისი პრეზიდენტის უფლებები დაიცვას და მან პირველ რიგში, შეწყვიტოს ეს დევნა,“ – აცხადებს ერთიანი ნაციონალური მოძრაობის” პოლიტიკური საბჭოს წევრი ნინო კალანდაძე.პარტიაში საერთაშორისო საზოგადების მხრიდან ზეწოლის იმედი აქვთ, ისინი რეაგირებისკენ მოუწოდებენ საქართველოს ოფიციალურ პირებსაც.„შემუშავდა მოთხოვნის ტექსტი, რომელიც დაეგზავნება საერთაშორისო საზოგადოებას, პოლიტიკურ ორგანიზაციებს და ყველა იმ ადამიანს, ვისთვისაც ძვირფასი არის თავისუფლების და დემოკრატიის იდეები. საქართველოს და უკრაინის ხელისუფლებებზე მეტად ჩემთვის პირადად და იმ ადამიანებისთვის, ვინც აქ იმყოფებოდნენ, გაცილებით საინტერესო არის საერთაშორისო საზოგადოების აზრი,“ – განაცხადა მწერალმა, ფონდ "სააკაშვილის საპრეზიდენტო ბიბლიოთეკის" გამგეობის თავმჯდომარემ, ზაალ სამადაშვილმა.

სიახლეები

რეალური ტელეფონის ნაცვლად თაბაშირისგან დამზადებული ტელეფონებს ალომბარდებდა – დაკავებულია ერთი პირი

აშშ-ის წარმომადგენელთა პალატამ რუსეთის წინააღმდეგ სანქციების „ლინდსი გრემის კანონპროექტი“ მიიღო

დიუშენის კუნთოვანი დისტროფიის სამკურნალო მედიკამენტს ბავშვები უახლოეს პერიოდში მიიღებენ

ევროპის უსაფრთხოება, უკრაინის დახმარების გაძლიერება-ურსულა ფონ დერ ლაიენი