მიხეილ სააკაშვილის სასამართლო პროცესი შესაძლოა, გვიან საღამომდე გაგრძელდეს – აცხადებს.„ახალ ძალთა მოძრაობის“ ერთერთი ლიდერი დავით საყვარელიძე და მიხეილ სააკაშვილის მხარდამჭერებს სასამართლო შენობასთან შეკრებისკენ მოუწოდებს.
„არ უნდა დავუშვათ პოროშენკოს მცირედი გამარჯვებაც კი, რადგან ყველაფერი კეთდება იმისთვის, რომ ჩაშალონ ჩვენი მშვიდობიანი, ცივილიზებული მსვლელობები. თუ ისინი გადაკვეთენ წითელ ხაზებს, გვექნება უფლება რადიკალურ მოქმედებებზე გადავიდეთ,“ – აღნიშნულია საყვარელიძის მიმართვაში.
მიხეილ სააკაშვილის სასამართლო პროცესი პიჩორის რაიონულ სასამართლოში სამ საათზე მეტია, რაც მიმდინარეობს. სასამართლოს შენობის გარეთ "ახალ ძალთა მოძრაობის" წევრები და მიხეილ სააკაშვილის მხარდამჭერები იმყოფებიან.