ბათუმში აფეთქებისას დაშავებული 4 ადამიანი ამ დრომდე საავადმყოფოში რჩება

ბათუმში, საცხოვრებელ კორპუსში მომხდარი აფეთქების შედეგად დაშავებული 5 ადამიანიდან 4 ამ დრომდე საავადმყოფოში რჩება. განსაკუთრებით მძიმეა ერთ-ერთი ქალის ჯანმრთელობის მდგომარეობა, რომელსაც თავის ქალის ღია ტრავმა და მესამე ხარისხის დამწვრობა აღენიშნება. პირველადი მონაცემებით, აფეთქება ბუნებრივი აირის გაჟონვამ გამოიწვია. მთლიანად დაზიანებულია ახვლედიანის 12 ნომერში მდებარე სამსართულიანი კორპუსი, ასევე მიმდებარე საცხოვრებლები და შენობის გარშემო მდგარი მანქანებიც. წინასწარი ინფორმაციით, საცხოვრებელი ფართის გარეშე დარჩენილია 9 ოჯახი. ადგილზე ექსპერტ-კრიმინალისტები მთელი ღამის განმავლობაში მუშაობდნენ. მომხდარზე გამოძიება სისხლის სამართლის კოდექსის 229-ე მუხლით დაიწყო, რაც გაზის გამოყენების წესების დარღვევას გულისხმობს. ტერიტორია გვიან ღამით მერიამ დაასუფთავა და საცხვრებელი სახლების დაზიანებული სახურავები დროებით შეაკეთა. რამდენად ვარგისიანი იქნება საცხოვრებლად ის კორპუსი, სადაც აფეთქება მოხდა, ექსპერტიზის დასკვნის შემდეგ გახდება ცნობილი.აჭარის პოლიციის სამმართველოს უფროსის მოადგილის გიორგი მესხის განცხადებით, ბათუმში მდებარე კორპუსში აფეთქება ბუნებრივმა აირმა გამოიწვია.ბათუმში, ახვლედიანის ქუჩაზე მდებარე საცხოვრებელ კოპრუსში გუშინ მომხდარი აფეთქების შედეგად 5 ადამიანი დაშავდა, მათ შორის ორი მცირეწლოვანი.

ბათუმში აფეთქებისას დაშავებული 4 ადამიანი ამ დრომდე საავადმყოფოში რჩება

სიახლეები

ბოლო 3 თვეში საქართველოში ბენზინის ფასი 66 თეთრამდე, დიზელის ფასი კი 1.15 ლარამდე გაიზარდა

პარტიების აკრძალვის დავალება დაიწერა კრემლში – ანა წითლიძე

მანანა კობახიძეს ვადაზე ადრე შეუწყდა საკონსტიტუციო სასამართლოს მოსამართლის უფლებამოსილება

ემუქრებიან რომ გააქრობენ, ჩემი შვილი საფრთხეშია – დავითაძის დედა