უკრაინული მედიის ცნობით, სანდრა რულოვსმა, ,,ახალ ძალთა მოძრაობის ლიდერის მიხეილ სააკაშვილის მეუღლემ, კიევში, დამოუკიდებლობის მოედანზე აღმართული სცენიდან განაცხადა, რომ პოროშენკომ ,,წითელი ხაზები"' გადალახა''.
მან მადლობა გადაუხადა მისი მეუღლის მხარდასაჭერად გამოსულ ხალხს, რომელმაც მის ამ სიტყვებს შეაგება აპლოდისმენტები და შეძახილები ,,სანდრა!''
,,ჩვენ გვინდა რომ ადამიანები უკეთ ცხოვრობდნენ, ვიდრე ამ უკანასკნელი ოთხი წლის განმავლობაში. პოროშენკო ბევრს გპირდებოდათ, შესაძლოა, მას ეს სურდა კიდეფ, მაგრამ ვერ შეძლო – პოლიტიკა ბიზნესი არ არის, ხალხი საქონელი არ არის! – განაცხადა სანდრამ. მათ გადაკვეთეს წითელი ხაზი – დასძინა მან.
პოლიტიკოსის მეუღლემ ასევე განაცხადა, რომ უკრაინას ცვლილებები სჭირდება, ,,მიხეილის გარეშე ეს რთულია, მაგრამ იგი გთხოვთ, არ დანებდეთ."
როგორც ცნობილია, კიევში დაიწყო ,,ახალ ძალთა მოძრაობის'' დაკავებული ლიდერის მიხეილ სააკაშვილის მხარდამჭერთა მიერ ორგანიზებული აქცია, რომლის ძირითადი მოთხოვნაა პრეზიდენტ პეტრო პოროშენკოს იმპიჩმენტი – იუწყება გამოცემა ,,UA''
იქვე ქვეყნდება სიმბოლური ფოტო, რომელიც მიხეილ სააკაშვილის დაკავებამდე, იმპიჩმენტის პირველი მარშის დროს არის გადაღებული. მიხეილ სააკაშვილი მეუღლეს ღიმილით ამხნევებს
