კიევში დღეს სახალხო მსვლელობა გაიმართება. აქციის მონაწილეები შევჩენკოს ბულვარში ადგილობრივი დროით12:00 საათზე შეიკრინებიან და ევრომაიდნის მიმართლებით მსვლელობას გამართავენ.
დღევანდელი მარში მიხეილ სააკაშვილის ინიციატივით იმართება. საპროტესტო მსვლელობა მანამდე დაიგეგმა, ვიდრე მას მეორედ დააკავებდნენ.
მიხეილ სააკაშვილის გუნდის წევრები და მხარდამჭერები უკრაინის პრეზიდენტის პეტრო პოროშენკოს იმპიჩმენტს მოითხოვენ.
პარტია „ახალი ძალების მოძრაობა“ დილიდან აკეთებს განცხადებას , სადაც ნათქვამია, რომ უკრაინის უსაფრთხოების სამსახური დღევანდელ აქციასთან დაკავშირებით დეზინფორმაციას ავრცელებს.
„ხალხს მოკლე ტექსტური შეტყობინება მისდის, რომ დღევანდელი აქცია 15:00 საათზე შედგება, რაც სიცრუეა. მარში 12:00 საათზე დაიწყება. ვიკრიბებით ტარას შევჩენკოს პარკში“, – ნათქვამია პარტიის განცხადებაში.
რაც შეეხება სააკაშვილის ჯანმრთელობას, ის აგრძელებს შიმშილობას წინასწარი მოთავსების იზოლატორში, სასამართლო პროცესი კი, სავარაუდოდ, ხვალ გაიმართება.
გამოძიებას ხვალ, 11 დეკემბერს ეწურება 72 საათიანი ვადა.
გენპროკურატურაში აცხადებენ, რომ სააკაშვილისთვის შინაპატიმრობის შეფარდებას მოითხოვენ, მაგრამ, თუ სიტუაცია მის დაკავებასთან დაკავშირებით არეულობაში გადაიზრდება, იგი შესაძლოა ციხეში, პატიმრობაში დატოვონ.
მიხეილ სააკაშვილის მხარდამჭერებს პროკურატურის ეს მუქარა სასაცილოდ არყოფნით