ბათუმში, ახვლედიანის ქუჩაზე აფეთქების შედეგად დაახლოებით 9 ოჯახი დაზარალდა. ჩამონგრეულია შენობის ფასადის ნაწილი, დაზიანდა მიმდებარედ მდგარი ავტომანქანები.
აფეთქების შედეგად, დაახლოებით ხუთი ადამიანი დაშავდა, მათ შორის ორი ბავშვია. ექიმების შეფასებით, ბავშვების მდგომარეობა სტაბილურია, შედარებით მძიმეა ერთი ქალის მდგომარეობა, რომელიც ბათუმის რესპუბლიკურ საავადმყოფოშია გადაყვანილი, დანარჩენები სხვადასხვა კლინიკებში მოათავსეს.
ამ დროისთვის ადგილზე მაშველები მუშაობენ. მიმდინარეობს ნანგრევებში სამძებრო სამიშაოები. ადგილზე იმყოფებიან სასწრაფო დახმარების ბრიგადები.
ადგილზე იმყოფებიან აჭარის ხელისუფლების და ”სოკარ ჯორჯია გაზის” აჭარის წარმომადგენლები.
როგორც კომპანიის წარმომადგენელი, დავით ლეკიშვილი აცხადებს, პირველადი დათვალიერებით აფეთქება ბუნებრივმა აირმა გამოიწვია, თუმცა ჯერჯერობით დაუდგენელია აფეთქების ზუსტი მიზეზები .მიმდინარეობს გამოძიება.