სანდრა რულოვსი მიხეილ სააკაშვილის სპიკერი გახდება

მიხეილ სააკაშვილის მეუღლე სანდრა რულოვსი, ოდესის ყოფილი გუბერნატორის სახალხო წარმომადგენელი გახდება. ამის შესახებ სააკაშვილის ადვოკატმა რუსლან ჩერნოლუცკიმ მხარდამჭერებს იზოლატორთან სადაც მიხეილ სააკაშვილია მოთავსებული განუცხადა. უკრაინული მედიის ინფორმაციით, ადვოკატმა განაცხადა, რომ ოდესის ყოფილი გუბერნატორი მეუღლეს მთავარ სპიკერობას სთხოვს. "ის თხოვს მეუღლეს, გახდეს მისი მთავარი სპიკერი, სახალხო წარმომადგენელი, რომ დაიცვას მისი უფლებები და თავისუფლება. ჩვენ მის მეუღლესთან დავიწყებთ მუშაობას ამ მიმართულებით, ასევე ვუზრუნველვყოფთ მის შესვლას იზოლატორში" – აღნიშნა ჩერნოლუცკიმ.გამოცემა gordonua.com წერს, რომ საქართველოს ყოფილი პირველი ლედი მეუღლის გვერდით კიევის აქციების დაწყების პირველივე დღიდან დგას.მიხეილ სააკაშვილი გუშინ კიევში, ერთ-ერთ ქუჩაზე საცხოვრებელ ბინაში დააკავეს. ის ამჟამად წინასწარი დაკავების იზოლატორშია გადაყვანილი. საქართველოს ყოფილი პრეზიდენტი, ოდესის ყოფილი გუბერნატორი მიხეილ სააკაშვილი დაკავებულია სისხლის სამართლის კოდექსის 256-ე მუხლის საფუძველზე, რაც გულისხმობს ორგანიზებული დანაშაულებრივი დაჯგუფებისთვის ხელშეწყობას.

სანდრა რულოვსი მიხეილ სააკაშვილის სპიკერი გახდება

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

პაპუაშვილი-დღეს ევროკავშირი გადართულია საქართველოს დაზიანების კურსზე

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა