როგორც კი მიხეილ სააკაშვილი დააკავეს, ბატალიონ „დონბასის“ ლიდერმა სემიონ სემენჩენკომ ბატალიონის მზადყოფნა და კარვბის ქალაქში მოწყობა გამოაცხადა.
სემენჩენკომ სიტყვით მიმართა „დონბასის“ წევრებს და მოსთხოვა, რომ ყველა ყურადღებით იყოს, საკუთარი პოზიციები დაიკავონ და არ მოდუნდნენ, რადგან შესაძლოა, დღევანდელი ღამის განმავლობაში, პოლიციელების მხრიდან შეტევა განხორციელდეს.
ამ წუთებში კარვების ქალაქიდან 500-მდე ადამიანი უშიშროების სამსახურის შენობისკენ მიემართება. მათ ადგილზე დამატებით კასრები და შეშა მიაქვთ. ვრცელდება ინფორმაცია, რომ ტერიტორიაზე სცენის მოწყობასაც გეგმავენ.
უშიშროების სამსახურის შენობის მიმდებარე ტერიტორიაზე მყოფი მიხეილ სააკაშვილის მხარდამჭერები დაშლას არ აპირებენ.
უკრაინის უშიშროების სამსახურთან ძირითადად "ახალ ძალთა მოძრაობის" წევრები იმყოფებიან. მათთან ერთად არის დეპუტატი, იური დერევიანკო.
მისი განცხადებით, კვირას დაგეგმილი მარში, უკრაინაში მაინც გაიმართება.