საქართველოს მესამე პრეზიდენტი კიევის ცენტრში მდებარე უკრაინის სახელმწიფო უსაფრთხოების სამსახურში ყავთ გადაყვანილი.
მასთან უკვე შეუშვეს ადვოკატები.
,,ნოვოსტი უკრაინი'' თავის წყაროზე დაყრდნობით ავრცელებს ინფორმაციას, რომ დაკავებისას მიხეილ სააკაშვილი პოლიციის მოქმედი მაღალი თანამდებობის პირის ერთ-ერთ საცხოვრებელ სახლში იმყოფებოდა.
ამ ინფორმაციას კატეგორიულად უარყოფს უკრაინის შს მინისტრის მრჩეველი ზორიან შკირიაკი, თუმცა არ აკონკრეტებს, რა ვითარებაში მოხდა "ახალ ძალთა მოძრაობის" ლიდერის დაკავება. მან მხოლოდ დააკონკრეტა, რომ მისი აყვანა ერთერთი ბინიდან მოხდა მშვიდ ვითარებაში და მას წინააღმდეგობა არ გაუწევია.
ზორიან შკირიაკი ადასტურებს, რომ მიხეილ სააკაშვილი ნაციონალური პოლიციის თანამშრომლებმა გენერალური პროკურატურის დავალებით დააკავეს.
უკრაინულ მედიაში გამოითქმის ვარაუდი, რომ მიხეილ სააკაშვილს შინაპატიმრობას მიუსჯიან და დილისთვის შინ იქნება. ეს იყო დაკავება ხელისუფების პრესტიჟისთვის. პოროსენკოს უნდა ეყოს ჭკუა, რომ ათ დეკემბერს დაგეგმილი აქციისათვის სააკაშვილი ციხეში აღარ ყავდეს.