საერთაშორისო მედია მიხეილ სააკაშვილის დაკავებას პირველივე საათს გამოეხმაურა.
„უკრაინამ კორუფციასთან მებრძოლი სააკაშვილი დააკავა", -იუწყებიან The Associated Press-ი, ამერიკული Fox News–ი და The New York Times–ი
. "Foxnews" წერს,რომ უკრაინაში დაკავებულია კორუფციის მოწინააღმდეგე აქტივისტი – სააკაშვილი, .„საქართველოს ყოფილი პრეზიდენტი უკრაინის პრეზიდენტთან პეტრო პოროშენკოსთან ოპოზიციაშია და მას განსაკუთრებით კორუფციასთან ბრძოლაში წარუმატებლობის გამო აკრიტიკებს", – აღნიშნულია სტატიაში
საქართველოს მესამე პრეზიდენტის დაკავების შესახებ წერენ "რადიო თავისუფლების" ინგლისურენოვანი გამოცემა და ასევე სააგენტო REUTERS. ორივე ხაზს უსვამს, რომ საქართველოს მესამე პრეზიდენტი მას შემდეგ დააკავეს, რაც მან მორიგი მარშის შესახებ მოწოდებები გააკეთა.
~
მიხეილ სააკაშვილის დაკავებას ასევე ეხმაურება გერმანული გამოცემა "დოიჩე ცაიტუნგი", რომელიც წერს, რომ ოპოზიციის ლიდერი დედაქალაქის ცენტრში აიყვანეს და დროებითი დაკავების იზოლატორში განათავსეს.
იგივე შინაარსის სათაური აქვს გამოტანილი BBC-ის რუსულენოვან საიტს, რომელიც აღნიშნავს, რომ პოლიტიკოსის მომხრეებმა მოახერხეს უკრაინის უშიშროების სამსახურის დახურულ ეზოში შეღწევა, შენობასთან კი, უამრავი ადამიანია შეკრებილი.