კიევში სპეცრაზმი აქციის მონაწილეების დაშლას ცდილობს

ვითარება დაიძაბა ცოტა ხნის წინ კიევის ცენტრში. რადას შენობასთან, სადაც აქცია მიმდინარეობს, დაახლოებით ერთი საათის წინ სპეცრაზმი გამოჩნდა. სამართალდამცველები დემონსტრაციის დაშლას ცდილობენ.მათ ცრემლსადენი გაზი და სავარაუდოდ, რეზინის ტყვიები გამოიყენეს. მოხდა დაპირისპირება აქციის მონაწილეებსა და სპეცრაზმს შორის. გავრცელებული ინფორმაციით, არიან დაკავებულები და დაშავებულებიც.სამართალდამცველებმა კარვების ქალაქის დაშლა სცადეს. სპეცრაზმელების იერიშის მოგერიება აქციის მონაწილეებმა რამდენჯერმე შეძლეს. ისმის სროლის ხმა. აქციის მონაწილეებმა სამართალდამცველებისგან გამყოფი ბარიკადები საბურავებისგან ააგეს. მთელი ღამის განმავლობაში აქციის მონაწილეებთან ერთად იმყოფებოდა საქართველოს მესამე პრეზიდენტი და ოდესის ოლქის ყოფილი გუბერნატორი მიხეილ სააკაშვილი. "ახალ ძალთა მოძრაობის" ლიდერმა მხარდამჭერებს სიმშვიდისკენ მოუწოდა. სააკაშვილი ამბობს, რომ თავდასხმებით უკრაინის ხელისუფლება აქციის მონაწილეთა ნებისყოფას ამოწმებს. „ჩვენ უნდა ვიყოთ მშვიდად, წყნარად. ხალხი მობილიზებულია, ახლა შეამოწმეს ხალხის მობილიზაცია, კიდევ მთელი კიევი მოვარდება რამდენიმე ათასი კაცი. ისინი ამოწმებენ ხალხს, ხალხი ამოწმებს თავის თავს. მაგრები არიან, მობილიზაციას აკეთებენ სწრაფად,“ – განაცხადა მიხეილ სააკაშვილმა.

კიევში სპეცრაზმი აქციის მონაწილეების დაშლას ცდილობს

სიახლეები

მანანა კობახიძემ პარტიების აკრძალვის სარჩელზე განრიდება ითხოვა

საქართველოში პოლიტიკური უკუსვლა მნიშვნელოვნად გაღრმავდა- იოზვიაკი

დევნილ ოჯახებს, ვისაც არ აქვთ მიღებული ბინა შეუძლიათ, კომპენსაციის მოთხოვნა – 10 000 ლარი ოჯახის ერთ წევრზე