,,მე მოგიწოდებთ ყველანი დავიძრათ მაიდანზე და დავიწყოთ ქვეყნის პოროშენკოსგან განთავისუფლების პროცესი. ნურაფრის შეგეშინდებათ, ეს მათ ეშინოდეთ ჩვენი – ამ სიტყვებით გაუძღვა მხარდამჭერებს რადას შენობისაკენ ,,სისხლიანი კონდიტერის'' ტყვეობიდან ხალხის ნებით განთავისუფლებული მიხეილ სააკაშვილი.
პარალელურად კიევის ცენტრისკენ უკრაინის შინაგან საქმეთა სამინისტრომ ასობით სპეცრაზმელი გაგზავნა. ეროვნული გვარდიის დანაყოფები სავარაუდოდ, რადას შენობასთან მოახდენენ მობილიზებას.
ამ რამდენიმე წუთის წინ გავრცელდა ინფორმაცია, რომ კოლონა უკვე მივიდა შეკრების ადგილზე, სადაც ადგილზე რამდენიმე კვირაა კარვების ქალაქი და სცენაა მოწყობილი. სავარაუდოდ, რამდენიმე წუთში მიხეილ სააკაშვილი აქტივისტებს სიტყვით მიმართავს.