თბილისში, ხორავას ქუჩაზე მომხდარ მკვლელობაში ბრალდებული არასრულწლოვანი, რომელიც ამ დრომდე მიმალვაში იმყოფებოდა, საგამოძიებო უწყებას ჩაბარდა

0
413
თბილისში, ხორავას ქუჩაზე მომხდარ მკვლელობაში ბრალდებული არასრულწლოვანი, რომელიც ამ დრომდე მიმალვაში იმყოფებოდა, საგამოძიებო უწყებას ჩაბარდა. 
ძებნილი გ.ჯ. შინაგან საქმეთა სამინისტროში მცირე ხნის წინ გამოცხადდა. 
 
ბრალდებულის ადვოკატის  ტარიელ კაკაბაძის განცხადებით, ოჯახმა ახლახან დაადგინა ბრალდებულის ადგილსამყოფელი და მყისიერად მიიღო გადაწყვეტილება, რომ გ.ჯ. საგამოძიებო ორგანოში წარედგინათ, რათა  ბრალდებულმა ითანამშრომლოს გამოძიებასთან და დაეხმაროს საგამოძიებო ორგანოებს ნათელი მოეფინოს მომხდარ ტრაგედიასთან დაკავშირებულ ყველა დეტალს.
 
გ.ჯ.-ს დღეს აღკვეთის ღონისძიების სახით პატიმრობა დაუსწრებლად შეეფარდა. დაპატიმრებულია კიდევ ერთი არასრულწლოვანი, რომელიც განზრახ მკვლელობის ბრალდებით პოლიციამ მომხდარიდან რამდენიმე საათში ცხელ კვალზე დააკავა. 
 
 შსს– ს  მიერ გავრცელებული ინფორმაციით, გარდა არასრულწლოვნებისა, ასევე დაკავებულია სამი პირი დანაშაულის დაფარვისა და შეუტყობინებლობისთვის.
, უწყებაში არ გამორიცხავენ, რომ სისხლის სამართლის პასუხისგებაში მისაცემ პირთა წრე გაიზარდოს. 
წინა სტატიამკვლელობაში ბრალდებული მეორე არასრულწლოვანი პოლიციას ჩაბარდა
შემდეგი სტატიადაზვერვის სამსახური და სახელმწიფო უსაფრთხოების სამსახური აღარ გაერთიანდება
ტელეკომპანია ოდიშის საინფორმაციო სამსახური