ზუგდიდის მერის მიერ გაჟღერებული ინფორმაცია, ბოტანიკური ბაღის რეკონსტრუქციისთვის გამოცხადებულ ტენდერში შპს "დაგის" გამარჯვების შესახებ, სიმართლეს არ შეეფერება. როგორც ინტერნეტგამოცემა ლაივპრესი წერს, ბოტანიკური ბაღის ტენდერში გამარჯვებულის გამოვლენის შესახებ ინფორმაცია მუნიციპალური განვითარების სააგენტოში არ დაადასტურეს.მათი განმარტებით, ამ ეტაპზე კვლავ გრძელდება შემოსული წინადადებების შეფასება.მუნიციპალური განვითარების ფონდმა ტენდერი ქალაქ ზუგდიდის ბოტანიკური ბაღის რეკონსტრუქციისთვის 6 ოქტომბერს გამოაცხადა. შესყიდვის სავარაუდო ღირებულებად 9 მილიონ 994 513 ათას ლარი განისაზღვრა.ბოტანიკური ბაღის რეკონსტრუქციის ტენდერში მონაწილეობა სამმა კომპანიამ მიიღო."ოდიშინიუსი" ზუგდიდის მერიას დაუკავშირდა, უწყებაში განმარტავენ, რომ მერი შეცდომაში შეიყვანეს. "ინფორმაციულ უზუსტობას ქონდა ადგილი, მერს არასწორი ინფორმაცია მიაწოდეს"- განუცხადა "ოდიშინიუსს" მერიის პრესსამსახურის უფროსმა მაგდალინა თოდუამ.
“მერს არასწორი ინფორმაცია მიაწოდეს”- ზუგდიდის მერიის პრესსამსახური ბოტანიკური ბაღის რეკონსტრუქციაზე
Published on