დაზვერვის სამსახური და სახელმწიფო უსაფრთხოების სამსახური აღარ გაერთიანდება

0
404
დაზვერვის სამსახურისა და სახელმწიფო უსაფრთხოების სამსახურის გაერთიანების საკითხი პარლამენტში ინიცირებული აღარ არის, აღნიშნული საკითხი კანონპროექტის პაკეტიდან მთავრობამ უკან გაიწვია. – ამის შესახებ საქართველოს პარლამენტის თავმჯდომარემ ირაკლი კობახიძემ ბიუროს სხდომაზე განაცხადა.
 
”გაწვეულია მთელი რიგი კანონპროექტებისა. მთლიანობაში პაკეტში შედიოდა 112 პროექტი და 12 აქედან გაწვეულია. ერთ-ერთი შეეხება დაზვერვის სამსახურს. 
საუბარია იმაზე, რომ დაზვერვის სამსახური უნდა შეერთებოდა სახელმწიფო უსაფრთხოების სამსახურს. თუმცა, ამასთან დაკავშირებით შედგა საპარლამენტო კონსულტაციები და ამის შემდეგ იქნა მიღებული გადაწყვეტილება, რომ იქნას გაწვეული შესაბამისი ნაწილი პაკეტის”, – განაცხადა ირაკლი კობახიძემ. 
 
თავის მხრივ, ჟურნალისტებთან აღნიშნულ საკითხზე კომენტარი გააკეთა მთავრობის საპარლამენტო მდივანმა შალვა თადუმაძემ.
 
"მიმდინარეობდა კონსულტაციები როგორც მთავრობის შიგნით, ისე პარლამენტთან და მიღებული იქნა გადაწყვეტილება, რომ გამოვითხოვოთ კანონები, რომელიც უკავშირდება სახელმწიფო უსართხოების სამსახურის და დაზვერვის სამსახურის გაერთიანებას. ეს ორი უწყება აღარ გაერთიანდება", – განაცხადა შალვა თადუმაძემ.


 

წინა სტატიათბილისში, ხორავას ქუჩაზე მომხდარ მკვლელობაში ბრალდებული არასრულწლოვანი, რომელიც ამ დრომდე მიმალვაში იმყოფებოდა, საგამოძიებო უწყებას ჩაბარდა
შემდეგი სტატია“მერს არასწორი ინფორმაცია მიაწოდეს”- ზუგდიდის მერიის პრესსამსახური ბოტანიკური ბაღის რეკონსტრუქციაზე
ტელეკომპანია ოდიშის საინფორმაციო სამსახური